關心妍前日36歲生日，連續兩日開派對慶祝，先有大前晚老公楊長智在中環置地文華東方酒店炮製的浪漫驚喜，繼而前晚再於老公灣仔餐廳開cosplay派對，以其新歌《關家姐》logo的黃色及粉紅色做主題，及以她至愛的迷你兵團（Minions）佈置，除壽星女扮向日葵外，吳業坤更扮Minions至愛香蕉搞笑一番。
關心妍昨在電話中說：「老公前晚喺酒店間餐廳同我食完飯，就帶咗我上酒店房，原來佢book咗間房，擺咗好多我好鍾意嘅balloon喺度，我哋喺酒店過一晚。」可有跟老公春宵一刻？關心妍狂呻說：「絕對嘥晒啦，我哋食到好飽，又飲咗啲香檳，好快瞓着覺，嘥晒呀，呢樣嘢理應係要㗎嘛！」
採訪：魯吉