體操亞錦賽噚日喺日本廣島展開男子組賽事，身為仁川亞運金牌得主嘅港將石偉雄點會失威？呢位體操王子喺強項跳馬取得15.075分排首位，強勢殺入今日嘅決賽；師弟詹文軒亦跳出13.750分，以第八名入決賽。石仔喺雙槓亦得14.850分，以小組第六入決賽，今日雙線爭牌。日本星將加藤凌平就攞到個人全能金牌，又領軍力壓中國取得男團冠軍。