【壹週刊】冇助手替身黃宗澤拍大台劇人不如狗

【壹週刊】冇助手替身
黃宗澤拍大台劇人不如狗

幾乎肯定會步舊愛胡杏兒後塵,離大台外闖的黃宗澤,在國內一口氣連拍三劇,荷包滿瀉,終於捨得返香港,埋位拍新劇《警犬巴打》,不過就換嚟人不如狗嘅待遇。

呢日Bosco孖住黃浩然同陳秀珠在佐敦拍外景,三十多度高溫冇冷氣,又唔似內地開工有助手服侍替身試位,由頭濕到落腳的Bosco要自己揸住手提風扇降溫,之後索性除埋件褸,狂抹汗。嘩!真係成個背脊濕晒架!

拍了兩小時,終於輪到警犬出場,拍了一陣文戲,Bobby狗已經熱到伸晒脷,之後狗狗就要跳過攝影機扮撲賊,頻頻NG不過都無人敢詐佢型,但就難為同場嘅Bosco同黃浩然重複又重複,take了十多次,拍到無晒表情。為免費時失事,導演終於出絕招,搵來色澤、身形幾可亂真的毛公仔替身,工作人員將公仔拋過鏡頭,兩take已收貨。

終於搞掂收工,Bosco turbo腳走人。喺大台拍劇,人不如狗,有好路數,Bosco撇硬!

iPhone版下載: http://goo.gl/1SDaWF
Android版下載: http://goo.gl/xfQS8D
壹週Plus網頁: http://nextplus.nextmedia.com/