講述年長同志處境嘅電影《流離所愛》今晚首映，平機會主席周一嶽同埋大愛同盟成員映前chit chat，原本大家討論緊同志婚姻立法，點知立法會議員何秀蘭何EE突然大爆好恨去飲，暗示坐佢隔籬嘅明哥好快結婚，明哥唔知係真唔知定假唔知，「吓，乜講緊我？」隨即話佢立場係異性戀有嘅嘢同志應該有，不過佢本人唔相信婚姻「呢啲係法律性arrangement多啲，同愛情、浪漫無乜直接關係，不過如果講到相關嘅保障，就需要呢樣嘢，如果香港有呢個機會，我會嚴重考慮結婚」。
周一嶽就話，因法例所限，平機會唔可以處理晒所有同志平權問題，佢對於香港幾憂心，包括有啲外地專才喺外地結咗婚，但得唔到香港政府承認，佢希望港人包容不同生活方式，先算得上國際城巿。