新一季西甲要到今個月22號先開鑼，雖然各支球隊都已經踢緊熱身賽，但一啲有份踢美洲盃等賽事嘅美洲兵，都會獲准遲啲先歸隊。巴塞隆拿原本畀美斯（左）到下周二先報到，不過球王想早啲操起狀態，早咗五日就返巴塞，周四接受球會體測。美斯嘅專業態度可嘉，不過佢嘅鋒線拍檔尼馬（右）似乎就要檢點啲，據講佢放假大玩特玩之後，返到嚟有少少超重，要減肥。