【本報訊】袁國勇專注研究病毒，向來甚少提及政治，他昨稱從不理會政治壓力，絕不趨炎附勢。他沒透露所指可附的力量是哪一方面，被問及是否指政府或中聯辦，他叫記者自己去查，「就係因為我冇能力，冇辦法講得清楚，所以我要辭職」。
從來不理政治壓力
袁國勇昨表示，他是因要支持香港及港大，所以才做校委，「所有政治力量對我無關痛癢」，又說：「我從來唔會理政治壓力，就好似法官一樣，唔應該理邊個講過乜嘢，只係根據情況、案件去判決，我都係一樣。」被問及辭任校委會否引起漣漪效應，「香港大學最大特點，係人人都有自己諗法，係唔會受任何人去左右，我唔會因為邊個有權力而趨炎附勢拜佢（當權者），唔會咁樣。」
港大校委會委員共有23席，其中主席及6個席位，由出任校監的特首委任，另6席由諮詢性質的校董會委任，目前有1個空缺，這13席被視為「梁粉」及親政府陣營；校長為當然委員，另7席由教職員及學生透過選舉出任，當中教員佔4席，本科生、研究生及職員代表各佔1席；餘下2席由校董會互選選出，但不可為校內人士。
■記者倪清江