曾演港視劇《警界線》嘅蔣祖曼（Joman），今年5月為做副導演嘅老公陳卓麒生咗愛女。Joman噚日就喺facebook貼出謝安琪(Kay)抱住囡囡嘅相，留言：「呵呵你太過份啦。。。有張正到咁嘅人肉bb床，個樣仲咁不屑？」
最近「胸部」被定義為攻擊性武器，網民見B女有「人肉bb床」，即笑指阿Kay用「武器」對付BB，留言：「武器喎!! 居然用咁強力嘅武器對付BB!」又有網民「葡萄」表示：「有B餐媽媽抱喎，笑吓啦!」
另外相中所見，早前傳想停工生B女嘅阿Kay，抱住Joman嘅愛女，「母愛」滿瀉，似乎真係好想追多個小公主。