【本報訊】衝進校委會會議室的香港大學學生，連日來備受指摘，更被左報轟為「紅衞兵」。宣佈辭任校委的港大微生物學系講座教授袁國勇昨為學生說公道話，指「當晚見到有年紀大啲、面目又猙獰好多、粗口爛舌，應該唔係我哋學生」，強調衝突非由學生而起，只源於早前校委會決定，直指當前制度不公義。校委會已要求大學就衝擊事件提交報告。
記者：鍾雅宜 朱雋穎 林俊謙
校委會主席梁智鴻昨向港大成員發信，指對暴力事件深感震驚難過，強調各校委均獨立作決定，不受他人影響和施壓，更遑論屈服於暴力下，校委會已要求大學管理層就事件提交事實報告和制訂計劃，確保未來會議能安全舉行。
港大生因不滿校委會再次拒推翻「等埋首副」才委任副校長而闖進校委會會議，校委盧寵茂跌倒送院，校委劉麥嘉軒亦一度被圍，校委李國章以文化大革命和虐老形容學生，左報更指學生是「紅衞兵」和「暴民」。
「有啲粗口爛舌者唔係學生」
袁國勇卻為學生平反，「要對啲學生公道啲先得，嗰晚邊個講粗口、掟嘢、撞人？我根本冇辦法知道」。他又指當時有很多身份和動機不明人士，「當晚見到有年紀大啲、面目又猙獰好多、粗口爛舌，應該唔係我哋學生」，因「我啲學生永遠個樣都係好innocent（純真）」。
他憶述當晚他欲上前協助跌倒的校委盧寵茂時，「學生好合作，開條路畀我埋去睇吓盧教授，後來先有機會同盧教授埋去部𨋢，喺會議廳唔畀我哋出去阻力唔係好多」。但至樓下欲上救護車時卻很困難，若無警察開路根本無法上車。他強調，並非認同學生，但亦非譴責學生，認為衝突非因學生而起，「係由大家對選副校長開始，好多外面不同政治勢力都喺裏面影響呢件事，最後學生衝擊校委會」。
據本報記者當晚所見，校委會議中止後部份校委提早離場，但在鈕魯詩樓停車場遭阻攔及被質問其立場，停車場以校友及市民為主，大部份是中年人，不乏社運常客，包括鳩嗚團成員等，很少學生。其中劉麥嘉軒現身停車場時，有中年大叔大嬸不停圍罵她「可恥」，拒讓她離開，一名護送她的男子更被一中年男士叉頸，記者上前問叉頸大叔為何而來，他支吾以對，僅稱「上網見到」、「因有唔公道」而來，自稱姓何，已退休，否認攻擊人。
同一時間由袁國勇陪同盧寵茂落樓同樣遭包圍，難以登上救護車，最初有人主張開路，但其後殺出數名「口罩友」擋在救護車前，不斷粗口咒罵盧，「抵你死呀！你唔使做戲喇！」擾攘逾10分鐘盧才能上車。
10學生聯院聯署撐學生
港大學生會會長馮敬恩強調學生當晚並無作肢體攻擊和擲水樽，若有人要追究學生闖進會議室，他會一力承擔責任，亦感激袁國勇為他們說了公道話。
此外，港大10學生聯院以「政權爪牙 干預自主 學生自救 勢在必行」為題聯署，指學生過去半年的行動均被校委會視若無睹，才逼不得已藉圍堵會議會場以取得與校委會正面對話的機會，面對制度不公，捍衞師生共治實是學生之責，不能瑟縮於校園一隅。
但昨日繼續有校委發炮，港大前副校長程介明在《信報》撰文指對學生行動感心痛，認為是無法忍受的粗暴行為，將有理行動變為無理。