恭喜馮國威一索得男！不過下周二就要暫別BB，皆因呢位香港桌球代表要去巴基斯坦衞冕世界六個紅球錦標賽，唔捨得BB嘅阿威話：「希望BB仔為我帶來好運，成功衞冕喇！」今個月香港桌球壇喜事重重，先有一哥傅家俊第二個女21號喺英國出世，今次到2013年底同太太Ying結婚嘅阿威，喺星期三晚一索得男，唔知大個會唔會篤波呢？