邵仲衡跟李麗珍在神劇《大時代》裏飾演的大佬孝、方婷未能開花結果，不過這段情在23年後延續，「有情人終成眷屬」，由導演葉念琛的新作《紀念日》促成。在《紀》片中50歲的邵仲衡延續大佬孝的江湖人物飾演靚寶哥，而49歲的珍妹就演他太太，特別之處是31歲的鄧麗欣（Stephy）飾演兩人的女兒，計落邵仲衡與珍妹分別是19及18歲就為人父母。故事講邵仲衡離開兩母女多年後，再次一同生活，從未見過父親的Stephy發現邵仲衡居然擁有很多自己理想男士的特質。
邵仲衡𦧲飯應
邵仲衡昨日接受電話訪問時表示期待跟珍妹開工，他說：「導演搵我嘅時候話有珍妹，我仲問佢係咪真，知道之後諗都唔諗就接咗。我哋都有成廿幾年冇一齊拍戲，珍妹仲保持得好好，好想快啲開工。」《紀》片已安排在中港兩地上映，香港排了期在聖誕節上映。
鄧麗欣（Stephy）昨日去到觀塘一間中學，為其排球隊Loey選拔，近百人報名成為Stephy旗下球隊成員，她說：「身材最好有1.7米高，有幾個幾高，我流晒口水，我哋隊中缺乏高人，今日嚟嘅平均16、17歲，最細12歲。」Stephy透露每星期都會練波兩日，男友方力申都不時現身支持。目前她正拍攝葉念琛的《紀》片，已經開了一日工，她說：「李麗珍做我媽咪，邵仲衡做我爹哋，有咁靚嘅媽咪好開心，好快就拍好緊張，同邵仲衡合作好期待，剛睇完《大時代》好吸引，佢飾演一個壞爹哋，經常出去玩嗰啲。」
採訪：張俊銘
攝影：陳俊強
