今個夏天同車路士約滿之後，杜奧巴（圖）選擇再換吓新環境，轉戰美職聯加盟蒙特利爾衝擊。一班衝擊粉絲期待再期待，「巴哥」周三終於飛到去加拿大，自然吸引大批熱情球迷去機場捕捉他。雖然場面墟冚，但捧過歐聯同四屆英超冠軍獎盃嘅巴哥，見慣大場面，嚇佢唔到嘅；睇見佢一副悠然自得嘅神情開心自拍，行過嘅時候又隨意幫fans簽幾個名、影吓相咁，果然霸氣不減。