隨着阿爺積極干預股市，A股表現人造成份越來越高，一如以往所講，筆者相信阿爺絕對有決心有能力，甚至不惜代價去穩住股市，所以喺而家阿爺仲積極落盤嘅情況下，宜觀望市場發展。
根據中證監統計資料，今年第一季，新增股票賬戶4.33倍，但這些「新豬肉」並唔係以大媽同大叔為主，而係80後嘅「小鮮肉」佔比達62%，係股壇新力軍。至於55歲大叔同大媽佔5.2%。雖然個市好嘅時候有唔少「大媽炒股半年賺5萬」，跌市亦有唔少「湖南男子住家跳樓亡」之類嘅報道，但未見有大媽與大叔戰績比較嘅正規調查或統計。
不過可以參考一下外國嘅統計，根據投資組合平台SigFig年初公佈嘅統計（主要投資美股），男士投資組合去年收益4.1%，而女士則是4.7%，輸錢嘅組合亦都係男士比較多，佔25.8%，而女士只有20.8%。研究解釋，女士投資組合表現較佳嘅原因可能與買賣次數有關，相對於男士，女士投資買賣次數較少，單計交易費用已令利潤增加。雖然外國情況並唔一定適用於中國，但炒股表現差距嘅理由仍值得參考。
流氓