麥浚龍的三部曲《耿耿於懷》、《念念不忘》及跟謝安琪合唱《羅生門》，被網民熱捧，連帶Juno的造型也成為網上熱話。有網民指他的造型好世界級，指他留有白鬚勁似回教徒，有網民又話他勁似電影《這個殺手不太冷》裏面的殺手Léon。此外，也有網民問Juno是否在扮「國畫大師」張大千，學人做藝術家喎！還有些具創意的網民，指Juno似聖誕老人、漫畫《龍珠》嘅龜仙人、《超音鼠》裏面嘅反派人物「蛋頭博士」。
今年只得31歲的Juno，留有白鬚，就令到網民好好奇的問：「我好奇佢啲鬚係唔係染白，頭頂啲髮根都仲係黑蚊蚊，得31歲啲鬚會白到咁？」有網民回應說：「fashion嘅嘢你識條鐵咩～」
撰文：靜楠
阿嬌拒認女主角
麥浚龍熱播的三部曲《耿耿於懷》、《念念不忘》和《羅生門》入面的女主角，有不少人直指是Juno多年前的緋聞女友鍾欣潼，昨日傳說中的女主角阿嬌和蔡卓妍（阿Sa）現身港台活動，被問到Juno新歌《羅生門》中提及掛念10年的女友時，她矢口否認是自己，更表示二人甚少聯絡，她說：「佢都講咗冇一個特定嘅人，多謝大家，令到我上呢個版面，人哋都話唔係，你哋死都話係，激死人。」
《羅生門》提到Hello Kitty和茉莉花香水，阿嬌被問到是否喜歡這公仔，她笑說：「幾得意呀！周圍都見到。」阿Sa見狀即刻為好友解圍，表示阿嬌真正喜歡米奇老鼠，之後阿嬌更自稱沒有用茉莉花香水。
採訪：王連連
攝影：陳俊強
