【本報訊】震撼全港的旺角花園街「七腳港女」喪打癡男短片，令不少港男看得肉顫心驚，拍片者昨日向《蘋果》直言被該女子的氣勢嚇窒，當時不敢落街：「好驚，驚俾個女人打埋一份。」
「砰砰聲樓上都聽到」
拍片人林先生是旺角花園街的住客，他昨日憶述：「嗰晚半夜瞓緊覺，瞓瞓吓，出面好嘈，嘈醒晒，打開窗就見到有個女人係咁大嗌，又講粗口，又郁手。」他眼見該女子狂踩男友的頭部，「砰砰聲，樓上都聽到，見個男人抹吓個額頭，應該有損傷」。
林先生又說：「咁夜喺度嗌，好響，都有成10分鐘。」由於對面的大廈正在進行樓宇外牆維修工程，未知有沒有其他街坊留意到。林坦言不敢落樓，「好驚，驚俾個女人打埋一份」。他表示並不認識事件中的男女，認為該女子不應如此粗暴，「估計係想奚落條仔」。
事件昨成為城中熱話，市民楊先生稱：「咁樣打人唔啱，有乜嘢可以傾掂佢。」另一岑小姐認為：「覺得個女仔唔當男仔係最親嘅人，如果唔係唔會咁樣對佢。」
■記者溫瑞麟