星二代要入行，做阿爸或阿媽都可能會反對，好似林俊賢就唔畀佢嗰20歲嘅混血寶貝女林鈺洧（Denice）入行做model，更曾用過經濟封鎖想令個女回心轉意。最終Denice都簽咗Angelababy嘅經理人Kim，作為老竇嘅林俊賢都開始接受阿囡「我要做model」呢個現實。
Denice前日就喺IG擺咗張佢同老竇合照，成個乖乖女繞實老竇手臂，林俊賢都一臉慈父樣，仲留言探爹地班，更tag咗#likefatherlikedaughter，擺到明父女齊闖娛樂圈嘅決心，佢啲朋友大讚林俊賢型仔爹哋。
原來Denice嗰0靚模表姑姐Naomi都有份去探班，更留言：「以前我是家族裡最高的女生，現在我已經變咗哈比人了，高妹寶座表姪女實至名歸，長江後浪推前浪呀！」Denice開咗IG一個禮拜冇耐，見佢post相唔多，都係擺吓美食相，同有一幅擺晒model甫士、彎晒腰拎傘嘅相，隱隱約約都見到佢34C豐滿嘅上圍。