政圈熱論曾鈺成與李慧琼師徒夾擊梁振英，有政界中人說，想「抽擊」CY的左派中人又豈止曾鈺成師徒？只是他們已收指令，不要再多談炒局長事件。該政界中人更稱，政界盛傳若非中途有人介入，叫停放料「唱衰」曾德成及鄧國威，或有第二波、第三波唱衰行動，幸好未能成事，否則必進一步辣㷫左派陣營。
左派私下「媽媽聲」
該政界中人聽到官場小道消息，據聞有人不想傳媒將鄧、曾兩人離職，演繹成不滿特首梁振英而跳船，所以梁在記者會不斷暗示兩人是「被離職」，但似乎效果未如理想，於是決定「畫公仔畫出腸」，向「御用」網媒「港人講地」放料，唱衰鄧、曾兩人，以示他們因表現欠佳被離職。
但消息出街後，有特首辦中人收到不滿聲音，認為這樣放料唱衰離職局長、特別是根正苗紅的曾德成，等同向傳統左派挑機，港人講地其後將報道下架，但是無法阻止主流傳媒廣泛報道，最終觸怒傳統左派。
該政界中人笑言，曾鈺成、田北俊口中的「豬隊友」，聽聞原本還有第二波、第三波唱衰行動，「或者佢哋覺得咁樣可以為CY立威，以示佢操生殺大權、有中央支持，但都冇理由用到七傷拳呢招，打人之餘仲打傷埋自己」。
他知道左派中人已經收到指令，不要批評CY，但所有人私底下也是「媽媽聲」，「你知香港左派各自有自己喺北京嘅線，唔公開鬧CY，冇話唔可以私下向中央篤佢」，今次事件肯定加深咗建制、左派同梁嘅嫌隙，所以成件事唔會咁易冇事，一定有手尾」。
周一至周五刊出
季陶