求驗客手記︰利物浦勢簽森巴新星

求驗客手記︰
利物浦勢簽森巴新星

利物浦上季雖然失落前四,不過都有亮點,巴西中場菲臘比古天奴就表現神勇,入過幾球靚波之餘,仲入選英格蘭足球先生候選名單㖭。紅軍領隊羅渣士食住個勢,都想大搞森巴化,羅拔圖法明奴上月已經率先加盟外,𠵱家又睇中巴西新星,係嚟自國際體育會嘅18歲中場阿倫蘇沙,阿倫仔𠵱家已經隨紅軍練習,據報佢今年出戰Frenz國際盃表現可人,吸引咗紅軍球探注意,而且轉會費都只係50萬鎊(約605萬港元),睇嚟紅軍都肯畀。另外紅軍一直想賣走麻煩前鋒巴洛迪利,意甲森多利亞有意,但就嫌700萬鎊轉會費太貴,睇吓紅軍肯唔肯減價。