黃宏舜（娃娃舜）當年在《都市閒情》演唱林曉培歌曲《娃娃愛天下》，被江華狠批「過份自信」而走紅，近日復出仍人氣依舊，電影公司更力邀他協助電影《猛龍特囧》宣傳，昨他與胡耀輝和雨僑，到新蒲崗陪同9位香港網絡男神選舉參賽者進行變身。
寸爆開唔到戲
肚下又畫了兩道血痕，右頸則現出紋身，又擺跳舞甫士讓記者拍照。對於網友讚賞，他說：「開心囉，信心一向都有，我會考慮吓入行，我鍾意唱歌，唱歌同跳舞兩樣嘢一齊。」娃娃舜近日翻hit，江華卻要轉行賣保險，他可有吐一口氣？他說：「冇咁嘅感覺。」對江華當年的狠批可有不開心，娃娃舜直言：「有少少，但冇唔鍾意佢。」介意將來合作嗎？娃娃舜反問：「佢唔係賣保險？」江華稍後會拍戲，娃娃舜冷笑一下：「開到先啦。」
娃娃舜失蹤14年，曾傳過03沙士時死亡，他一笑置之：「有聽過，啲人鍾意點講，我控制唔到。」娃娃舜自稱現年34歲，脹爆身形是婚後所致，但他沒正面回答是否做運輸工作，但卻承認太太陀B七個月，舜嫂非常支持他演出，至於會否簽公司，他賣關子：「唔想講住。」雨僑自爆這次親自邀請娃娃舜演出，並搞笑形容自己是高登尋人組管理員。
此外，《都市閒情》昔日主持鄺佐輝前晚在長沙灣主持節目《星輝會客室》，他不知娃娃舜復出：「有多啲人返出嚟好啲，有更多談論題材。我對佢有印象，江華係自信表演者，可能佢比較真性情，我覺得娃娃舜幾cutie同詼諧。」鄺佐輝近年勇於對抗癌魔，現已停止化療：「𠵱家用中藥同氣功，有做定期檢查，身體進入新狀態。」
採訪：溫敏芝、張俊銘
攝影：沈健程、陳慧安
