政府宣佈鉛水恐慌蔓延到牛下，不過今次唔係牛下第一次驗到有鉛，事關民主黨喺月中已經去過牛下驗水，17號公佈發現有3個單位食水含鉛超標。點知民建聯兩日後又派出立法會議員陳鑑林開記者會，話自己驗咗24個水辦，全部都無超標，周圍派傳單叫居民「放心飲用」；陳鑑林仲寸其他政黨抽樣少，話民記嘅先夠代表性。
事隔10日，政府都驗到有事，民記當然俾全城恥笑，個個都話「信佢一成，雙目失明」；呢排贏到開巷嘅民主黨亦都冇放過佢，喺臉書post番當日民記張傳單，留言鬧爆民記有事扮無事，明跣居民，仲要李慧琼同陳鑑林出嚟飲咗啲鉛水！