吳綺莉早前涉嫌虐打女兒吳卓林被捕後，又因酗酒等問題，令母女關係一度冰封，之後卓林更離家出走，吳綺莉爆女兒𠝹手，母女間的感情再度受到考驗，幸好相依為命的她們感情深厚，二人最終都互諒互讓，重新修補破裂的關係。
冇時間拍拖
昨日吳綺莉以dbc電台主持人身份邀請愛女卓林到灣仔接受節目《越界傾情》訪問，母女即場繪畫愛心T恤，暢所欲言，相處融洽，吳綺莉說：「原本嘉賓係夏蕙BB，但佢嚟唔到，惟有搵屋企個BB嚟，因為太臨時臨急，阿女又放緊暑假，於是搵佢同埋一位同學上節目，講吓年輕人對搵暑期工搵錢、讀書等有乜嘢心態，一街大學生都搵唔到工，呢個都係社會問題。」
現場所見，早前被指𠝹手30多次的卓林，左手臂內側的𠝹手痕迹仍然清晰可見，第一次到電台接受訪問的卓林表示非常緊張，她說：「唔知咁多人，只係話嚟傾偈，冇諗過大家喺度。」吳綺莉更藉着訪問女兒的機會，增加與女兒溝通的機會，吳綺莉開玩笑說：「呢幾個月阿媽都謝晒，敷幾多mask都唔掂，今次仲唔有仇報仇。阿女唔好嬲，我講吓笑咋。」
卓林表示現於九龍灣一個彈床中心做暑期工，她說：「返咗半個月，一啲都唔辛苦，好好玩。」她透露以往的利是錢是給母親，但是第一次出糧會儲起備用。之後卓林被問到開始拍拖未？她大方回答說：「冇時間，咁多嘢做，有人追都唔會知。」
採訪：卓寶花
攝影：葉君海
