【尋找首爾的香港】韓國「大男人」形象深入民心，老一輩的確男權至上，但新一代已經大男人不再。臉書「阿妙韓國食記」版主趙庭欣（Miu）嫁到韓國數月，正學習如何照顧老公。
記者：鄒倩婷
攝影：朱家駿
無論是打理家務，還是料理三餐，Miu老公趙炳完直言，「都不行！」娶了港女老婆，趙生笑言事事要親力親為，「雖然老婆一開始做得未係咁好，但係因為我教咗佢好多，佢亦都好畀心機學同做，已經唔錯喇。」
不過，Miu老公是廚師，對食非常有要求，尤其對早餐有點微言，「韓國人嘅早餐一定要有湯、飯同伴菜，三樣一齊食，但係香港人通常食All Day Breakfast，朝早我話要飲湯，老婆偏偏唔煮，得炒蛋、麵包、吐司、牛奶呢啲，令我覺得好無奈。」Miu坦言剛結婚時，覺得煮早餐是一件很麻煩、很辛苦的事，「但係o依家煮到有少少秘訣，有啲嘢會預先煮好放入雪櫃，第二朝拎出嚟加熱。」
上集講過人妻生活悠閒，Miu指老公吃完早餐上班後，便是她的私人時間，除了會打理家務，買菜準備晚飯，有時都會約朋友high tea，上網分享所見所聞，或會上韓文課，因為韓國政府會為外籍人妻提供免費韓語課程，希望她們更容易融入社會。採訪當日，Miu老公剛巧放假，提議到超市買菜，煮Miu喜歡的港式火鍋。韓國地方大，他們每次去超市都要駕車，所以一般會一次過買齊一星期所需的東西。
晚餐由老公負責，大展廚師功架，兩三下手勢煮出美味的韓式麵，連醬料都是由他親自調製，再配上Miu在香港帶回來的牛丸、魚皮餃、沙嗲醬等，一餐半港半韓的晚餐便完成了。Miu指老公其實不太喜歡吃火鍋，只為遷就她才吃。而韓餐當然少不了酒，即使在家中，Miu都要為丈夫斟酒，守足禮儀。
小貼士：如果攜帶寵物到大型超級市場，可把寵物放進寵物櫃，只要預備按金₩100（約$0.7）即可。
Miu下月便生產，原來在韓國生小朋友的福利很好，有資助買奶粉尿片，明日繼續《尋找首爾的香港》。
《尋找首爾的香港》
第一集：人生兩遇沙士 韓牌消毒劑靠唔住
http://bit.ly/1MlzXNo
第二集：17萬開民宿 四個月回本咁筍？
http://bit.ly/1TP72CD
第三集：韓劏房月租二千 地下室有蟲敢唔敢住？
http://bit.ly/1KlYgaT
第四集：夢想實現！月入一萬儲三千？
http://bit.ly/1IpPg79
第五集：留韓打工簽證難 你自問夠唔夠班？
http://bit.ly/1IodRTo
第六集：嫁Oppa嘆世界 奶奶規條點拆解？
http://bit.ly/1VMnnKd