南韓新沙士疫情放緩，雖然香港仲未解除紅色旅遊警示，但康泰旅行社董事總經理黃進達Jason已經兜咗一轉仁川同首爾，急不及待搵八方開心Share。經常煲韓劇取經嘅Jason，今次跟住《看見味道的少女》嘅步伐，去到仁川松月洞童話村搵公仔影相，又去年頭開嘅首爾Common Ground貨櫃商場，見到好多令財爺心掛掛嘅Food Truck，連未開幕嘅法國格雷萬蠟像館都去埋。短短兩日一夜咁頻撲，皆因要為下月復辦嘅韓國團做準備。
佢話𠵱家旅遊區好似明洞同東大門，幾乎唔見團客，唔使同人逼，據知當地已經做足衞生措施迎接旅客，要玩就趁𠵱家。