【前晚尖沙嘴】英皇在13年前組成女子組合3T，力捧蔣雅文（Mandy）、劉思惠（Maggie）及鄭希怡（Yumiko）。事隔多年，三小花各散東西，Mandy 8年前移居台灣，在當地開自家品牌服飾店，其後更嫁給設計師男友朱經雄。
多年沒返港的Mandy，日前為自家品牌在中環PMQ開的期限店返港，前晚收舖後孖老公朱經雄約了Yumiko，以及當年共事的唱片公司同事打邊爐敍舊，不過Maggie未有參與這次聚餐，3T合體不成。
讚Mandy天生一對
前晚大約8時，Yumiko駕駛其寶馬抵達尖沙嘴山林道，似乎跟附近商店都頗熟稔的她，將車交給代客泊車後，沿途不斷跟人打招呼，之後才施施然入火鍋店。而Mandy和老公收舖後在店內合力印T恤至晚上8時多，約晚上9時抵達尖沙嘴，直至晚上11時，Yumiko和Mandy兩公婆先行離開，Yumiko落樓更第一時間幫Mandy截的士，Mandy臨上車前則與Yumiko互相擁抱道別。
本報昨日聯絡Yumiko，她說：「同Mandy真係好多年冇見，上次見佢仲係single，今次已經帶咗老公返嚟見我哋喇！」她又說：「成晚都係傾番以前啲嘢，同埋大家𠵱家結咗婚又點樣，我覺得佢同佢先生係天生一對，好夾。」不過，飯局只有她和Mandy，Yumiko承認跟Maggie多年沒有見面，但知道對方都生了囝囝，都替她開心，又說飯局是唱片公司同事負責約。
至於，今年1月生B榮升人母的Maggie，產後仍然在中環鞋店返工，昨晚她收工離開時，見到記者便急步走人，被問到為何缺席飯局一事， 她邊行邊說：「我趕住返屋企呀，我冇嘢想講。」她亦否認不和：「大家各自有生活，我又忙返工，又要湊小朋友。佢哋時間可能彈性啲，我好少同娛樂圈中人聯絡。」
採訪：小米、梁繼光、潘冠恩
攝影：黃曉程、羅德光
