正義聯盟召集人李偲嫣噚日帶隊衝上教協會址，唔係去教協間平價超級市場掃貨，而係抗議身為教育界立法會代表嘅葉建源，喺港大聘任陳文敏風波上「搞事」。
教協總幹事馮家強都準備靜心聆聽李女士嘅訴求，但過程有啲困難，因為被第二啲嘢吸引。唔通係偲嫣BB嘅V面太吸引？馮家強邊有咁「識貨」？佢喺facebook留言：「聆聽偲嫣的發言時，看看他們的示威牌，希望多了解他們的訴求，不過，實在看不明白。」唔通寫咗希伯來文唔識睇？「破壞學侵校園」、「攪亂香生犯法」、「破壞學未找數」、「學生變港教育」，若果以為八方打錯字，咁你就明，點解馮家強睇唔明。