「我十年前遇到𠵱家的boss，好感激他當年不嫌我冇sales經驗肯用心教我，之後佢轉工我都跟着轉。但是近兩年我boss由型靚醒變成長氣又麻煩，因為咁我的teammate轉了又轉，我有時候都唔係好想聽佢電話。因為turnover高，近年條數唔係幾好，我做嘅數係over條team嘅一半。
「去年新增高我一級的職位，啱啱我要生BB，performance無之前咁好，boss就唔升我，另外升一個條數係我五分一同我同grade嘅同事，只因為佢resign，boss以升職來挽留。好多走嘅同事都叫我出去帶team佢哋跟我，我都無興趣，因為我幾鍾意份工，而且家裏有小孩要照顧，無精力去適應新環境。
「我日前close咗張break record大deal， boss叫我第二日去celebration，最高層會去頒獎，我三點唔得因為我有單deal要簽。問佢可唔可以提早佢話唔得，高層只有嗰個time slot。佢仲話我唔去no problem，佢會represent我！我真係覺得好奇怪，點解佢覺得個celebration無我喺度係no problem？咁我仲做嚟做咩呢？你覺得我係咪應該搵新opportunity呢？」
當日你入行覺得老闆型靚醒，今日你覺得佢長氣又麻煩，是因為你成長了進步了青出於藍了，你老闆卻未能和你同步、你倆sync不到了。
職場也好做人也好幾時都要居安思危，明知和老闆距離越來越遠，但你天真地以為自己交到數老闆需要你就坐定粒六，為求安穩寧願留低不想接受新挑戰。但不要忘記你做銷售，除非退休收山，否則就是永遠跑不完的數。你自恃業績好，已經看老闆不起不再把他放在眼內。你心態及態度的轉變，跟了10年又是他一手教出來的，老闆豈會不知？
張慧敏
http://www.facebook.com/HKcareerdoctor