【拆局】
啟德的「樓換樓」煥然壹居化身「高檔居屋」，單位實用面積呎價打八折後亦過萬元。煥然壹居位處啟德臨海靚地皮，原本市建局是預留做私人樓盤，部份單位就會給受重建影響的樓換樓住戶，但特首梁振英在今年施政報告提出轉作資助房屋，消息人士指市建局根本不願意擔當資助房屋提供者的角色，故今次在定價上「擺到明玩嘢」，以便日後「大條道理唔使再做資助房屋」。
消息人士指，「蘇慶和上場後只係睇住盤數，唔想蝕錢，啟德塊地咁靚本來可以賺錢，轉做資助房屋市建局冇着數，但係梁振英開到聲要做，冇得推」。早前市建局曾有消息指，繼啟德後，馬頭圍道的重建項目也可能轉作資助房屋出售，「蘇慶和根本唔想再做資助房屋」。
嚇到人不敢申請
消息認為，蘇慶和及林濬在煥然壹居的定價上「擺到明玩嘢」，因按照房委會制訂居屋定價時，一般會參考同區多個屋苑包括二手屋苑的售價，再取得一個平均呎價，「林濬今次一講就話成萬蚊呎，呢個係話幫人上車，但成萬蚊呎係想嚇到啲人唔敢申請，反應唔好嘅話，市建局就大條道理以後唔使再做資助房屋」。
■記者譚靜雯、鍾雅宜