香港城市大學噚日宣佈，會向行會成員、永遠的特首黑馬陳智思Bernard授予榮譽社會科學博士學位。身兼活化歷史建築諮詢委員會、活化已修復堆填區資助計劃督導委員會同降低食物中鹽和糖委員會主席嘅Bernard向來係公職王，佢同時係社聯主席，城大讚佢熱心參與公共事務，仲特別提及身為香港泰國商會主席嘅佢，致力推動港泰貿易。
台達集團創辦人暨榮譽董事長鄭崇華，因為熱心推動環保而獲頒榮譽工程學博士學位；著名物理學家、納米技術研究學者Herbert Gleiter教授就獲頒授榮譽理學博士學位。頒授儀式喺11月城大學位頒授典禮同時舉行。