意甲賽會星期一公佈咗新一季嘅賽程，佢哋會喺8月22號嗰個周末開鑼。喺首輪聯賽，衞冕嘅祖雲達斯（黑白間）會喺主場對烏甸尼斯；而米赫洛域第一場帶AC米蘭嘅意甲，就要作客費倫天拿，都相當難踢；至於另一支米蘭勁旅國際米蘭就會喺主場對阿特蘭大。意甲第二輪就有重頭大戰，祖記會作客鬥羅馬（紅衫）！另外，祖記中場維達爾周二落實加盟德甲拜仁慕尼黑，簽約四年。