好多人都好奇，富二、三代加入家族企業，每日返工做乜？實情使唔使做㗎呢？
恒隆地產（101）最新一份內部刊物提到，太子爺陳文博係「綜合服務部」其中一名軍師，呢個綜合服務部舊年1月成立，目的係提升公司服務質素，簡單嚟講就係負責商場管理，例如廁所乾唔乾淨、冷氣會唔會太凍、保安幫唔幫到手之類。
聞說，陳文博經常自己走去巡視恒隆旗下商場，除咗香港，有更多時間去睇內地幾個商場，希望確保商場有一定嘅服務質素。
陳文博係恒隆董事辦公室高級經理，睇呢個職銜，多多少少估到，除咗商場管理，其他事務都可能關佢事，好似恒隆大連商場將於今年第4季開張，陳文博都有份統籌，總之有嘢就要做喇。