【首爾直擊】留韓打工簽證難 你自問夠唔夠班?

【首爾直擊】
留韓打工簽證難 你自問夠唔夠班?

【尋找首爾的香港】想移居韓國,有人選擇投資、有人嫁Oppa,還有人選擇做打工仔!臉書「Korean Round Table -旅韓記」版主Joyce去年參加韓國工作假期計劃,先在高麗大學讀韓文,之後從網上找到一份做市場銷售的兼職,展開了在辦公室做打工仔的生活。

記者:鄒倩婷
攝影:朱家駿

Joyce喺韓國做打工仔。

鐘閣是商業集中地,連三星公司大廈亦喺呢到。

Joyce係為咗學韓文先做office工。

返工附近有啲橫街小巷,好多地道嘢食。

香港打工仔集中在中環,而韓國最多OL的便是鐘閣。鐘閣鄰近市廳和明洞,三星公司大廈也在其中,亦有政府機構如入境廳辦公室及多間銀行等,是商業集中地。

Joyce去年在鐘閣上班,在一間公司的海外部兼職做市場營銷,她指,「通常啲人嚟working holiday都做sales或者民宿,我就奇怪啲,想搵一份可以練到韓文嘅工。」返office正正可以強迫自己用韓文與韓國人開會、寫報告、計劃書等,她的韓語程度,在一年間由三級升至五級。雖然兼職的薪金不高,當時Joyce只是獲得比最低工資5,580韓圜時薪(約$38)多一點,每小時賺6,000韓圜(約$40),惟有平時吃地道平菜,住平屋,當作交學費學韓文。

Joyce最鍾意炭燒烤魚。

Joyce話韓國人開會唔係好敢講意見。《未生》截圖

同事仲要成日去飲酒應酬或者OT。《未生》截圖

Joyce修讀市場營銷系出身,在香港都是做相關工作,到韓國亦接觸一樣範疇,但最不習慣的是兩地公司的文化差異。她直言,「韓國人係比較性急,佢哋急,但係做嘢嘅速度效率冇香港人咁快。」主要原因是當地階級觀念太重,下屬都不敢隨便向上司提出意見,即使明知上司所言有錯,亦不會反映,而是先做,錯了再改。加上各項工作都要經一重重審批,上上司若不滿又要重做,結果費時失事,同時造成嚴重的加班情況。Joyce亦見到韓國同事放工後要陪上司飲酒打關係,做「忙內」(年紀最小的人)尤如做打雜,簡直與韓劇《未生》的劇情一模一樣。然而,Joyce指同事之間的相處其實不錯,更曾經為她舉辦過驚喜生日派對,令一個人身在異鄉的她感動不已。

「忙內」,即年紀最細嗰個要做打雜。《未生》截圖

Joyce話韓國同事好sweet,試過幫佢搞過驚喜生日派對。

喺韓國打工,工時分分鐘長過香港。

雖然在韓國打工,工時隨時比香港更長,但Joyce仍然想在韓國找工作。不過,想以打工仔身份留韓其實不容易,需要取得韓國政府批出的工作證,申請一個稱為E7的優才計劃。計劃需要申請人和申請公司同時提交文件,要求非常多。首先,申請人申請的職位,需與其大學所讀的學系相關,例如Joyce讀市場營銷學系,便要找市場營銷的工作。至於公司方面,要寫明原因為何非請外國人不可,公司亦要有一定資產,才能申請聘請外國人的配額,更要繳付一筆錢作擔保,有些公司會以此為由,壓低外國人的工資。Joyce指做I.T.或與科技相關的工作,會較容易申請E7簽證,因為韓國很需要這些專才,但其他職位則相對來說較困難。

Joyce屋企都有啲香港嘢食存貨。

小貼士:冬天時,窗外會變戶外雪櫃。

小貼士:韓國窗戶外有一層紗網,窗和紗網之間有點空隙,冬天時不妨嘗試把飲品、朱古力等放到空隙間,會自然冷藏結冰,尤如一個戶外雪櫃。

想入籍韓國,惟有嫁韓國男人才行,不過韓國奶奶不易相處,下集《尋找首爾的香港》告訴你一班人妻如何應對!

《尋找首爾的香港》
第一集:人生兩遇沙士 韓牌消毒劑靠唔住
http://bit.ly/1MlzXNo

第二集:17萬開民宿 四個月回本咁筍?
http://bit.ly/1TP72CD

第三集:韓劏房月租二千 地下室有蟲敢唔敢住?
http://bit.ly/1KlYgaT

第四集:夢想實現!月入一萬儲三千?
http://bit.ly/1IpPg79