於70年代憑一曲《相思淚》，成為廣東歌后嘅新加坡歌手麗莎，噚日去到大埔鳳凰Uradio接受訪問。喺89至00年間因病昏睡11年嘅麗莎回想：「我醒後唔知卡拉OK係乜，瞓之前係用卡式帶聽歌，未曾見過CD碟。」麗莎臥床11年以堅毅意志支撐，佢希望用自己嘅勵志故事鼓勵下一代，將會喺8月於屯門大會堂舉行音樂劇《信將來》，以歌曲舞台故事，演繹佢嘅人生故事。