想睇書，唔一定要去陸上嘅書店，在水中央一樣得㗎。過去曾經3次到訪香港、號稱係全球最大海上書展、樓高9層嘅郵輪望道號，上周六再次抵港，泊咗喺尖沙嘴海運碼頭，會停留至下月9號，前日開始正式開放畀公眾參觀。船上設有超過5,000個廉價英文書目嘅書展部。
船上嘅書本內容涵蓋科學、體育及藝術，而香港嘅展期之後，望道號會去台灣，完成亞洲之旅後會轉到非洲，預計8至10年後先會再訪港。
想上望道號睇吓嘅市民，記住佢嘅開放時間。周日下午1點至9點半開放，周一至周二則係下午2點開到9點半，至於周三至周六，則由上午10點開到9點半。入場費10蚊，12歲或以下小童及65歲或以上長者免費。