現年24歲的盛女Whitney，前年參加大台《求愛大作戰》後，隨即閃嫁模媽陳靜儀（Mia）前夫莊家傑，去年已誕一子的她，早前宣佈再懷B女，兩年抱兩，超級開心。未料Whitney 5月突然在網上貼文，宣佈離婚消息，發展之快令人嚇一跳。
不過，連月得到婚姻輔導員協助，加上夫婦都為挽救婚姻共同努力，Whitney與老公已經和好如初，腹大便便的她，日前更帶囝囝Chalmers到影樓，搶閘影一家四口合照，大晒溫馨。
食花膠長肚
本報昨日致電Whitney，問他與老公關係是否已經修補？心情明顯比之前好的她，語帶輕鬆說：「同先生關係有改善到嘅！其實婚姻輔導都畀到好大嘅幫助，所有嘢都比之前更好啦！關係都好咗！」
其實Whitney生第一胎都有影美孕照，主要影搞笑版本，但今次Whitney就一次過影了多個造型，包括一張只穿內褲，用雙手輕掩胸的靚相。而即將榮升哥哥的Chalmers全程表現興奮，笑到見牙唔見眼，部份相片Chalmers更加剝光豬俾媽媽、爸爸抱住影，肥嘟嘟相當可愛。Whitney笑謂：「雖然上年都有影，但今年特別啲，因為妹妹喺個肚度，又有囝囝，一家四口咁影。」
另外，Whitney之前曾表示今胎出現胎盤前置，有可能要開刀生，她說：「最近去照過，醫生話個胎升番少少上去，但究竟開刀定順產，仲要等醫生之後再check。」不過，Whitney感覺今次肚皮比上次小一點，她表示：「可能今次陀得冇咁好，自己食慾都冇咁好，所以都有食啲花膠，因為聽人講話食咗會長肚，𠵱家食咗又真係覺得大啲喎！」
採訪：小米