特首愛女梁齊昕同學民思潮召集人黃之鋒，之前喺書展期間無緣合照留念，估唔到喺facebook世界重遇say hi。
事緣齊昕早前獲邀出席一本寫真集嘅發佈會，其間黃之鋒都想上前同呢位新聞女王合照，可惜卻俾保安分隔，之鋒嗰時話對此好失望囉，仲話自己有喺fb注意對方。似乎呢番舉動真係成功吸引到齊昕注意，噚日之鋒喺fb上載一張截圖，話日前寫咗一篇5,000字嘅文章，問吓大家應該分開3日出定係一氣呵成好？點知齊昕好快就留言：「一口氣」，之鋒旋即回應：「hi 寫完send條link畀你睇」，之鋒女友錢詩文繼而留言搭訕講咗個「hi」，唔知佢係唔係嬲嬲豬呢？有網民笑指「敵人嘅敵人就係朋友」，話佢哋兩個可以合力激死梁振英。