【本報訊】在港大任教25年的政治及公共行政學系前系主任陳祖為（圖），連日來不斷發聲炮轟校委會，他形容現時有股外力猛烈衝擊這座自由堡壘，未來數月將是港大的關鍵時刻。他呼籲校委會今天臨崖勒馬，給公眾一個合理交代，若副校風波拖至9月開學，學生或有激烈行動，引發雨傘運動後另一場大型抗爭。
指建制陣營誤判形勢
陳祖為觀乎親建制報章及左派言論，認為港大風波是雨傘運動後遺症，源自建制陣營誤判形勢，「佢哋覺得年輕人一定受人擺佈，大學亦可以阻止某啲人做某啲事。呢個前提真係攞命，邏輯非常錯誤」。他指陳文敏雖是溫和學者，但常就人權法治議題發聲，其政治參與或不為建制所容，「溫和嘅人希望對話縮窄分歧，但係有底線，同忠心跟隨北京嘅人唔同。所以程介明、陳弘毅都公開批評（校委會決定），真正有信念嘅人，係會守住學術自主呢條底線。在上其身不正，在下點教導學生？如果禮崩樂壞，香港社會就堪虞」。
被問會否擔心學生罷課抗議，陳表示憂心，當制度失效，無可避免從制度以外尋求出路，「經過雨傘運動，年輕人一係唔做，一做都幾激烈，我唔想港大陷入政治抗爭」。
校內有些同事心灰意冷或敢怒不敢言，陳祖為成為少數公開力陳己見的港大教員，但他說：「就算有一天我嘅言論令我受到唔公平對待，都冇辦法。當你嘅良知同個人利益有衝突，你唔能夠唔企喺良知嗰邊。」
■記者白琳