求驗客手記︰
墨西哥中噴霧照捧盃

今屆美洲金盃得主係墨西哥，佢哋喺禮拜日決賽以3:1輕取牙買加。墨西哥靠古亞達度開紀錄領先半場，換邊後捷西斯哥朗拿同奧利比柏拉達每人入多粒，拉開到3:0，牙買加末段至由麥托斯破蛋。墨西哥史上第七次封王，仲會喺10月9號同上屆金盃得主美國踢附加賽，決出一隊參加洲際盃。呢場決賽出現一幕有趣畫面，哥朗拿同隊友搵球證理論時，球證唔小心當咗「消失的噴霧」做胡椒噴霧，噴到哥朗拿成身都係白色泡沫（小圖）。