關楚耀與MastaMic前晚於九龍灣為《十二音樂門．逃》擔任演唱嘉賓，MastaMic唱《Umbrella》時說：「呢首歌冇乜機再唱，多謝港台畀機會，或者好多人唔認同呢件事，但我只係想唱出自己感受，香港人加油！」之後MastaMic接受訪問說：「唔係我想最後一次，商業演出會禮貌提出唱啲開心歌。作為一個rapper，想用歌去表達都要猶豫嘅話，就有啲難為。」
關楚耀透露鄭欣宜會為他寫一首歌：「但我要求要同佢合唱，要好甜蜜開心嘅，但唔係同佢拍拖嗰隻。」問他是否嫌棄欣宜？他即尷尬說：「費事影響到個女仔，我自己講多咗。」他承認已經三年沒拍拖。
採訪：盧妹
攝影：陳俊強