【難再摸底】
資深投資者林一鳴於大時代時曾力排眾議，指港股二萬八近見頂，及後多次重申港股下半年勢陷熊市，大淡友昨接受本報訪問時重申後市一浪低於一浪看法。他以技術走勢分析指，恒指今次調整或會跌穿7月8日股災日低位22836點，並難以再摸底，但幅度或會較上一次跌浪深，跌勢有機會以數月計。
H指較恒指更危
林一鳴指，昨日中港股「唔知跌乜，但咁先驚」！並指「今次同上次股災唔同，上次嘅反彈可以回補一半跌幅，但今次恐慌比上一次大，因為已經冇乜人相信阿爺可以救到市，唔好期望再有一半反彈幅度」。對於A股，他指「已經散咗，冇眼睇」，認為下半年內地「保七」機會微，大部份企業下半年盈利或倒退，因此H指較恒指更危危乎。他指大市早前下瀉及反彈的所需時間較他預期短，與過往多次股災情況有別，不排除最終大跌浪只有兩個，意味倘今次跌勢可成功尋底，便有機會進入新一個股市周期，但強調目前新一浪跌勢只是剛開始。