【本報訊】立法會主席曾鈺成多番公開批評現屆政府處理胞弟曾德成和鄧國威辭任局長一事，更指政府有人「蠢到不得了」，曾鈺成昨再接受一個電視台訪問時炮轟梁振英政府沒管治理念。前財政司司長梁錦松則稱，十分尊重曾鈺成發表「蠢人論」的看法。
曾鈺成昨接受NOW訪問時稱，現屆梁振英政府沒管治理念：「你問吓一般香港市民，就算你問吓政界嘅人，甚至問吓主要官員，𠵱家特區政府管治理念係乜嘢呢？我唔覺得有幾多人可以講到一套完整嘅講法出嚟。」
梁錦松：處理局長辭職有不足
曾鈺成指籌組智庫是想趕及2017年與志同道合的參選人「拍住上」，但此人是否梁振英？曾鈺成指關鍵是此人是否與智庫合作得來：「我哋要睇吓嗰個人係咪可以合作先得，譬如有個巴士阿叔話，『喂，啱喇咁，我嚟啦！』咁我會話『唔得喎，之前我冇見過你有啲咩政績』，我哋都要諗㗎嘛，佢如真係當選做咗行政長官，佢有冇能力去落實套建議呢？」
梁錦松昨稱，政府在處理兩局長辭職一事上，對公眾交代等各方面可做得更好，「政府間中換吓人唔係好大問題，（是否認同曾鈺成昨天的分析？）我哋都好尊重曾主席嘅睇法」。梁錦松認為社會應少些關注人事和政治，多做實事。
■記者姚國雄