又爆！美國唔單止喺今屆金盃衞冕失敗，喺上周六季軍戰，有主場之利都只係同巴拿馬（圖）喺法定90分鐘打和1:1，仲要俾人先開紀錄，然後由丹普西追和嗰隻。喺加時兩隊都再冇入球，結果互射12碼，美國喺米高巴特利同比士利射失下輸2:3。話時話，巴拿馬真係神奇球隊，因為佢哋今屆六場比賽，全部喺法定90分鐘同對手打和1:1！