【本報訊】港大校友、回歸後首任政務司司長陳方安生（圖）指政治干預港大遴選學術人事及資源副校長，已損害港大國際聲譽，並指港大早已通知獲推薦升任的法律學院前院長陳文敏，在3月上任，揭示校委會通過「等埋首席副校長」理由毫無根據及欠說服力，並警告其他7間院校，將在港大之後逐一被特首梁振英整頓。
陳文敏是陳方安生成立的政治組織香港2020成員，她稱此趟再批等埋首席副校鬧劇，並非因「親」之故，「呢個唔係佢個人問題，而係涉及香港核心價值──學術自由……尤其呢幾年大家見到人權、自由日日受到削弱，如果連學術自由都保唔到，咁將來香港點樣仲叫一國兩制？」
被問及會否覺得建制勢力借打擊陳文敏，實際是針對她時，「我唔覺！但你都知道佢哋對我不滿，種種手段、種種辦法都會用，呢啲已見慣不怪」。她相信不會是北京最高層指示，「當然喺香港有好多梁粉、建制派、中聯辦嗰啲，固之然最希望㩒住晒各位」。
陳太表示，港大副校長物色委員會去年底已決定推薦陳文敏，「事實已通知3月上任，點解拖到今時今日？校委會理由無稽，點解要等到首席（副校長）上任先至決定？毫無根據、無說服力、黑箱作業」。
令港大國際聲譽受損
她促校委會在本周二審理副校長人選，接受物色委員會推薦陳文敏，並指大學做事要光明磊落，若否決陳必須要有充份理據，但料校委會根本交不出令人可接受理由。她指陳文敏受到左報攻擊，但陳沒有直接參與佔中或雨傘運動，只是作為法律學者評論涉及人權、自由、公民抗命，「呢啲正正係學術自由一部份！」
陳指遴選副校長風波已令港大國際聲譽受損，七大也應關注，「今次話整頓港大，背後已經聽到對其他大學都會有同樣做法」。其他院校校董會陸續有委員任期屆滿，梁粉將乘虛而入。
■記者倪清江