【遴選副校風波】
【本報訊】香港大學鬧出副校長任命風波，有最少1,400名校友聯署，要求校委會盡快確認任命及取消特首兼任校監制度。現為英國牛津大學學者的港大校友直斥特首梁振英肆無忌憚侵犯港大學術自主，把眾怒推至臨界點。若校委會不能向社會交代拖延任命的原因，應引咎辭職。她呼籲校友團結守護港大百年基業，「保得住港大，就等於保得住（香港）言論自由」。
記者：白琳
港大校友關注組發起的聯署今早7時截止，名單涵蓋過去60年畢業的校友，包括多名前高官及知名學者。參與聯署的簡敏儀在港大取得學士和碩士學位，現為牛津大學社會學系副教授。她指在港大經歷主權回歸，當年校園已有學生示威要求參與校政，「好自由，暢所欲言，唔會擔心有乜後果」。
「應抄文明民主制度」
簡敏儀於1999年畢業後負笈英國，一直留意香港時局。她慨嘆母校的學術自主較殖民地年代倒退，批評梁振英濫用校監制度，其委任的校委李國章更批評教職員不務正業。雖然梁多次否認干預副校任命，但多名校委由梁委任，梁振英及其梁粉校委也應向社會交代，「唔交代係失職，如果社會對校委失去信心，應該辭職」。
她指特首的校監身份只屬禮儀性質，不應有實權，正如英女皇名義上也可任命首相和內閣，「如果選完個首相，英女皇唔appoint（任命），民眾會覺得英女皇黐咗線，自大狂」。牛津大學校監由校內民主選舉產生，她促請港大效法，「港大好鍾意學牛津，唔應該淨係抄門面嘢，搞High Table（高桌晚宴）同划艇比賽，應該抄文明民主制度。唔係諗得唔得，而係諗有冇需要做。最壞嘅時候，就係最需要做嘢嘅時候」。
據簡敏儀觀察，雨傘運動令海外學者留意香港民主聲音。他們知道香港雖沒民主，但相對自由，學者可批評政府，從事內地不容許的學術研究，「香港大學唔係寂寂無聞，係一間幾好嘅傳統大學。𠵱家呢件事（副校風波）未俾人廣泛知道，唔代表將來唔會俾人知。如果我揀大學，原來講嘢有後果，依附權貴先爬到上去，呢間唔係好嘅大學」。
香港的命運與港大相連，社會的變革往往由學者開始，「好多人會問，香港冇民主，自由係咪開始下跌？我哋要保住有良心嘅人仲講到說話」。