內地財新傳媒發行人兼總編輯胡舒立，被稱為「中國財經界最危險的女人」，之前曾經踢爆無數內地財金黑幕，佢最後都冇事，亦顯示後台非常之強。財新接手滙豐，上個禮拜五公佈由Markit編制的中國PMI，一出手就非同凡響！唔單遠低於預期，仲創15個月來最低，如實反映中國經濟正急劇轉差呢個國家機密。
數據出街後，拖累中港股市大跌。有股民質疑，呢個PMI係今次係首次由中國公司發佈，財新唔好好珍惜呢個機會，仲走去唱淡中國，有何居心？
有傳聞話，滙豐放棄發佈中國PMI，係因為頂唔順啲政治壓力，因為呢個數據例牌低過官方公佈，統計局非常唔滿意。胡舒立據聞係中紀委書記王岐山好友，當今中國，恐怕佢先有本事去公佈PMI。
黃尹華