藝人雨僑近日在facebook上載一幅外賣通粉照，指付錢轉蕃茄湯底竟得到2包茄汁。入行40年、現於屯門工業邨建榮大牌檔「打骰」，人稱「昌哥」的李國昌直言附兩包茄汁著顧客自製蕃茄湯底「呢個係好大笑話」，但的確有餐廳用茄汁代替茄膏，減低成本，但正式蕃茄湯必然要落蕃茄，為了增加色澤或會加茄膏，而不影響原味。到大牌檔食東西有甚麼要注意？
＊套餐平過散嗌
套餐賣點在於配搭一目了然，同一樣的餸菜散叫不及套餐實惠，「想人客享用呢個套餐，就將所有餸菜配咗落去，有個吸引力」。對客人有優惠，大牌檔亦能集中材料，方便備貨及烹煮。
昌哥表示套餐是從茶餐廳衍生出來，「30年前邊有咁多套餐㗎，邊有咁多全包宴㗎？」，後來茶餐廳將早午晚餐、下午茶分A、B、C餐，大牌檔亦跟隨做法。
＊一圍食散嗌平過「席頭」
不過，一圍12人食飯另當別論。昌哥表示一個「席頭」（每一圍計）可能埋單超過3,000元，因為席頭一般會有「龍頭鳳尾」，頭盤上龍蝦或乳豬全體「俾你感覺好抵」，如果要求不高，可以散叫20款小菜，平均每款80蚊合共只是1,600元，「除非好飲得否則2,000蚊好豐富㗎啦，你都未必食到20個小菜」。
而且套餐內8個菜，例牌變「中碗」，「中碗」變「大碗」，份量相比散叫小菜少，「要求唔係高，又想慳錢，12個人喊12個餸最好就散叫，所以最著數消費就係一個個（餸）叫，叫14個餸配白飯都係有限錢」。
＊食小菜平過食火鍋
「唔係放題個啲，食下又想加啲，兩個人走去食嘢會唔會4餸一湯咁喊五碟嘢，就完成咗打邊爐嘅任務呢？」昌哥表示雖然火鍋料一般50至60元一碟，但「食唔飽」，加上每樣食物都想試，最後埋單數目可觀。相反兩個人叫小菜500元，起碼有魚，甚至可以食到波士頓龍蝦，「如果你走去打邊爐就冇喇唔好意思」。