近月人氣急升嘅18歲香港花劍新星張家朗（圖），噚日喺香港公園體育館舉行嘅挑戰盃劍擊錦標賽男子花劍項目連過幾關，喺決賽面對八強淘汰崔浩然嘅大師兄張小倫，家朗憑住大膽試新招嘅心態，以15:8擊敗小倫，第四次奪冠。不過，賽後全部劍手都可以放兩星期term break，唯獨家朗禮拜六要去福建打全國青年運動會預賽，打完先可以唞唞！