當根正苗紅的曾德成也被特首梁振英換走，對左派陣營的震撼可想而之。有愛國愛港人士嘆梁振英好不狠心，為爭取連任，竟將推動青年事務不力罪名卸至曾德成身上，他日難保梁振英因為其他問題對其他左派「𡁻完鬆」，試問CY如此狼心，還有左派肯與他交心？
觀乎曾鈺成發聲為胞弟申冤、《大公報》發文為前老總平反，梁愛詩更公開稱不覺得兩位被炒局長「有乜做得唔好」，可見政界幾乎除了個別梁粉如行會成員張志剛之流，沒幾個認同CY換人。
輕視曾德成地位
有愛國愛港人士對CY此舉忿忿不平，「CY同佢啲智囊搞唔掂外面嘅反對派力量，就改為搞內鬥；杯葛完自由黨，𠵱家竟然去搞曾德成」，但他指CY似乎輕視了曾德成在愛國愛港陣營的地位，單計曾德成反英抗暴坐監犧牲前途，就令愛國愛港陣營人士十分尊崇，「相比起曾德成，CY為國做過啲乜？」
外界相信CY想靠換馬翻身，爭取中央支持連任，有指這是中央給他的最後機會，但這位愛國愛港人士直指「未必咁簡單」。他相信中央連曾德成也肯放棄，一定是梁振英作出重大承諾，如未來兩年就某議題「交功課」，「睇曾德成嘅工作範圍，或者（梁的承諾）同《基本法》與國民教育有關」。
但他明言，CY如此無情，別怪左派也許無義，「要左派再支持佢連任，真係冇乜可能；就算中央叫到，都唔信好多人會出心幫佢」。欠缺左派支持，CY還有望冧莊嗎？對方冷笑說：「可能嗰時佢都有不可預計嘅家庭理由，『樂意現在退休』。」
季陶
周一至周五刊出