重裝備再加上宗教的狂熱神態、把獵物包圍團團轉、像螞蟻遇上蜜糖一樣……
如各位去過動漫電玩節，應該看過這些情節。「呢班龍友，淨係識影啲女仔走光！」愛拍攝Cosplayer的人，都是不折不扣的毒龍嗎？我們請來有7年拍攝Cosplayer經驗的「Cosplay攝」Wilson，為大家解開毒龍之謎。
「我哋有個術語，叫影裙底嗰啲做『怪叔叔』」。」Wilson表示，叫他們「怪叔叔」並非年齡歧視，只因他們的所作所為確是奇怪。
Wilson強調自己每次拍攝後都要和Cosplayer交代，給她們看相。走光反而是他們Cosplay攝影師最怕遇到的事，互相尊重是最基本要求。
外間一直將動漫場的龍友和「Cosplay攝」混為一談，如此污名，為甚麼「Cosplay攝」都不出來澄清呢？「我一拎起相機就被人叫龍友，其實我哋真係唔介意，都咁多年囉，我肯定自己唔係純粹影走光相，已經夠喇。所以，就算第時我個女做Cos，或者係做啲比較性感嘅角色，我都唔會介意。因為我都有影開，我知道發生緊咩事。」