求驗客手記：
主播無視握手雲方丈嬲豬

曼聯電視台主播加特拿大鑊嘞，得罪咗領隊雲高爾。加特拿隨團跟曼聯去美國採訪，呢一日佢諗住同雲高爾做個專訪。難得雲高爾行到埋嚟，第一時間搵佢握手，但加特拿竟然當人冇到，掛住同攝影師傾偈，搞到伸定手出嚟嘅雲高爾勁尷尬！最後，雲高爾拍一拍加特拿膊頭，塊面又黑晒咁，加特拿先醒水，即刻同雲帥握番手。

據我求大俠所知，喺球壇領隊入面，雲高爾呢個方丈都算數一數二小器，加特拿真係要醒醒定定嘞！另外，曼聯同一剔份贊助合約直至七月底先完，所以佢哋件三間新波衫要到8月1號先可以正式出街，但美國有間舖頭搶閘掛咗件新衫出嚟賣（下圖），唔知會唔會惹上官非。