【六合彩狂熱】六合彩過往發生過不少蝦碌事件，試過主持報錯和壞攪珠機，近日袁潔儀便試過報漏號碼，她說：「好似撞邪咁，明明順序讀，但忽然第3個號碼冇讀，跳咗讀咗第4個。」戚黛黛就自揭睇錯號碼：「我睇錯冧把讀錯咗，唔知係36定38咁，跟住即刻糾正番！」經驗豐富的蔡國威便試過兩次難忘經歷：「我30周年加入六合彩，當日舊主持介紹我出場，我想多謝馬會畀機會我，但連續三次都講唔到個名。另一次係攪珠機壞，馬會有訓練，萬一壞機要點應變，嗰次馬會要我不停loop，市民唔知點解我不斷講相同嘅嘢，以為我執唔到生。」
周嘉莉也遇過同一晚發生多個意外，她說：「到攪珠搞到第5個，佢哋就冇打落螢光幕，我再報第6個號碼，佢哋就入番落去第5個號碼，之後特別號碼就彈落正碼，後尾我重複時本來要睇mon ，但個mon錯，我即刻走去睇部攪珠機講番個7個號碼，本應最尾要講番正確受惠機構，但我已經驚到唔知點。」