【本報訊】環鳳街車房大爆炸後，毗鄰28間車房均受牽連。上址多間車房老闆都指生意跌了逾三成，更慘是政府出辣招，包括要求車房鏟平行人路上的石屎斜台，甚至在行人路旁加裝鐵柱，令車輛無法駛入維修，車房東主質疑政府趕絕他們。
行人路加裝鐵柱
與肇事車房僅一巷之隔的聯安汽車服務老闆彭先生稱，爆炸當日其車房休息，所以只是大閘損毀，但生意從此一蹶不振：「啲人唔敢嚟，又多咗巡查，做做吓嘢又查，好麻煩。」他指政府近日突然於行人路旁加裝鐵柱，令車輛無法停在門口維修，質疑當局想趕絕他們。
港通車房負責人亦指近日接路政署通知，指擔心妨礙行人或令人跣倒，要求下月底必須拆走車房門口的石屎斜台，他訴苦稱:「拆咗斜台，啲車如何駛入維修？爆炸後已經冇人敢過嚟，生意冇晒！」
車房職員吳先生指近日亦接到機電署、屋宇署信件指民居車房屬違法，他感到無奈，指惟有見步行步，最終或要搬舖。
■記者郭美華